接棒!TVB 80後上位小生逐個睇!有無你慨心水!

Hot2News     2017-05-12     檢舉

TVB經歷一班花旦小生流亡潮後,成功俾到班80後二、三線花旦小生上位,其中有好多位大家日日開電視都會見到。今日小編就揀咗幾位80後講下,唔知大家又最like邊個呢?

袁偉豪(81年出世)

接棒!TVB 80後上位小生逐個睇!有無你慨心水!

07年憑香港先生冠軍入行,不過做極都系綠葉角色。捱咗多年終於捱出頭,喺《鐵馬戰車》飾演施馬Sir同《EU超時任務》慨郭Sir,呢兩個角色都好受觀眾歡迎。事業有起色,愛情亦得意。佢同12年最上鏡小姐岑杏賢撻著,有傳而家已經同居,可能好快會有好消息。

王浩信(83年出世)

接棒!TVB 80後上位小生逐個睇!有無你慨心水!

由本來做歌手到而家轉型拍劇慨王浩信,近排獲TVB力捧,啱啱喺《EU超時任務》入面做男主角。佢喺劇入面做足功課飾演圍頭仔(渠頭)入型入格,大結局慨時候更令人印象深刻,仲話要推佢成為今年視帝!TVB亦即時加長4年約綁住佢,前途一片光明!

洪永城(83年出世)

接棒!TVB 80後上位小生逐個睇!有無你慨心水!

洪永城一過TVB就已經獲力捧,一開始拍劇就好快成為男主角,但系觀眾就好鍾意睇佢主持慨旅遊節目。而佢同唐詠詩慨戀情亦似乎十分穩定,自從兩個一齊咗之後,佢就無曬緋聞,希望佢哋兩個快啲拉埋天窗啦!

張繼聰(80年出世)

接棒!TVB 80後上位小生逐個睇!有無你慨心水!

13年佢喺《老表,你好嘢!》入面做配角之後,好多觀眾都覺得佢好搞笑。15年更喺《收規華》入面擔正,演技亦獲網民讚賞。佢老婆謝安琪啱啱宣布會暫別樂壇休息,而家要擔起頭家慨佢可能會經常喺劇集出現。

楊明(81年出世)

接棒!TVB 80後上位小生逐個睇!有無你慨心水!

於1999年加入TVB,不過由於多次惹上官非同負面新聞不斷,曾經被TVB投閒置散,不過近排又被力捧,好快有佢慨《火線下的江湖大佬》出街。佢同龔嘉欣老友鬼鬼,二人更陪對方經歷低潮期。他話如果龔嘉欣到40歲都冇人要,會考慮對方。

黃宗澤(80年出世)

接棒!TVB 80後上位小生逐個睇!有無你慨心水!

貴為TVB一線小生慨佢而家唔多拍TVB劇。而佢自己有開餐廳,生意仲唔錯添!近排佢被傳媒問到系咪同日籍模特兒Jun拍拖,佢就話:「了解中。」其實而家大台都唔介意藝人公開戀情,點解唔快啲公開呢?

黎諾懿(80年出世)

接棒!TVB 80後上位小生逐個睇!有無你慨心水!

佢一入行就喺03年《當四葉草碰上劍尖時》擔正做男主角,之後就無再做過主角。直至12年先喺處境劇《愛·回家》中再次擔正男主角,大獲好評。後來同家境富裕慨女友李潔瑩結婚,被傳媒叫佢「五億駙馬」,仲有傳老婆外家送價值4千萬慨西半山豪宅俾佢哋兩公婆住。

羅仲謙(84年出世)

接棒!TVB 80後上位小生逐個睇!有無你慨心水!

憑著40寸胸肌上位慨佢,雖然經常被網民狠批佢啲戲麻麻,不過仍然被TVB力捧。而佢近排最轟動慨當然系同女友楊怡秘密赴英國搞婚禮啦!