一個入咗倫敦金行業嘅高登仔自白

Hot2News     2017-05-15     檢舉
一個入咗倫敦金行業嘅高登仔自白

於2014年8月左右透過Facebook朋友介紹,加入一間黃金投資公司。

我第一日返工既時候,上司就介紹一個靚女秘書比我認識,跟住就叫我申請一個陌陌帳戶(一個大陸知名手機交友程式,可以定位搵到附近唔識的既人)。

不過個帳戶唔係用我自己個人身分去Sell客,而係用個靚女秘書的身分去同d客人聯絡溝通,

時不時都要擺下d露波Show長腿既相咁樣來吸引d男人,仲叫我同d三九唔識七又未見過面既麻甩佬講一d肉麻曖昧既說話,屌你老味我真係頂唔撚順。

一個入咗倫敦金行業嘅高登仔自白

不過,開始我覺得呢一行無學識無經驗都可以變成金融才俊短期內買樓揸跑車戴名錶溝Model,原來d錢係咁樣呃返來既,

眼見個個朋友都今時唔同往日,我明知係呃人都照樣繼續做落去,其實當時已經比工作既環境同d上司不斷咁洗腦,所以漸漸覺得咁樣做係唔係好大問題。

一個入咗倫敦金行業嘅高登仔自白

我大概做左三四個月,亦都透過一個假身分成功討得兩個客人歡心投資左總共三十萬左右,我既佣金都有接近十萬,我都買左人生之中第一隻勞力士。

陸陸續續咁我都取得搵客收客的技巧和心得,發覺原來男人是這麼容易上當受騙的。如是者我就係呢度做左差不多接近半年,職位係業務總監。

2015年過年既期間,我與往年有些與別不同,穿著西裝戴住隻靚錶鑽戒唔係之前個死MK仔染曬金毛咁既款去同各位親戚拜年,仲要請大家食飯出手闊綽。

親戚們自自然然會問我做緊邊行,個人180度大變化。我當然將最表面的話比大家知,我係一間上市金融機構的金融才俊業務總監。

大年初三這天,去了舅父家拜年,表哥又再問起我搞咩撈得咁掂?我都係一樣咁回答我做金融。佢就即刻神色有d不妥咁反問係咪倫敦金?

我答係,話口未完就比佢兜拳車埋來,繼而拳打腳踢,表哥係泰拳教練我完全係無還手之力唯有擋住保命。之後舅父舅母老豆老母就拉開表哥問個究竟發生咩事。

原來表哥幾個月前就係因為係微信附近的人結識左所謂既美女投資顧問,被一d虛假行情矇騙前前後後投資左80萬,依家連層樓都按賣,

佢老婆知道成件事後當然係離婚收場,最後搞到妻離子散。

一個入咗倫敦金行業嘅高登仔自白

而我都比家人知道我所加入的行業所做的事情,過年後就無再踏入呢間公司半步。

這是我的真人真事,我在做呢一行的半年期間都可以成功騙取五個客人,過百萬投資金額,我的佣金數十萬。半年有幾十萬糧,

一個大學生出來打幾年工都未必有咁既收入,我係一個讀到中三無讀既劣童都可以搵幾十萬。香港呢個社會簡直係有問題。

我看見一間公司有幾百名老千,一個月就最少有幾百名受害者,投資金額總共數以千萬計,全香港加加埋埋有接近一百間的倫敦金投資公司。

相信每月都有萬千港人內地人受騙。受騙金額每年億億聲,仲多過d內地電話騙案啦,但唔知點解無人出聲無人報導。

現在就拆解如何運作模式:

1。現時既搵客模式不流行電話Cold Call,智慧型手機世界緊係用交友App搵客啦。不過用男人身分係無用既,一定要用女人身分,仲要係索女先有用。美人計,男人點會唔受落?

2。一間倫敦金投資公司大部份以男性為主,搵到錢既都係男性。但點解d男受騙者都係結識美女經紀既?

因為一個女經紀,十個分身,呢十個分身係男人,係男經紀,OMG,原來呢段時間一個受害者一直都同一個男人傾緊d情愛說話,騙財不但止,原來感情心靈都受騙。

到左語音,電話出動既時候先搵個女經紀講兩句,約出來見面了解既時候就必須衣著,帶埋上司出來左右夾攻。所以受害者永遠都估唔到原來一直同個男人傾緊計。

一個入咗倫敦金行業嘅高登仔自白

 

 文章未完,點擊這裡閱讀全文!

 

3。上載賺錢紀錄,報喜不報憂。Facebook朋友圈經常有人擺d勁賺大錢紀錄同行情,但從來無輸錢既情況出現。

股神都無咁勁啦!其實輸錢既紀錄仲多,只不過無擺到出來比大家見到。有時候都會擺d模擬賬戶既賺錢紀錄呃下無知的大家。

一個入咗倫敦金行業嘅高登仔自白

4。唔使多講,大家成日見到d現金,係一大班人既佣金,你影下我影下,製造假象比人睇一個新入行既人都可以搵到咁多錢。

5。搵到大錢既,正常都係站在上面果班,而現在的倫敦金行業,很有趣的情況,就是你認識的朋友多,就可以叫人返工,

你做人上司,無論你年資有幾短。三個月都可以做副總裁,只要夠人夠數。

一個入咗倫敦金行業嘅高登仔自白

6。出來行,最緊要行頭,叫得人拎錢出來,美女未必係專業,有人覺得係花樽,唯有上司出動,上司緊係要卡片寫住總監,副總裁先殺食夠權威啦,唔通真係要大學畢業又MBA又做過幾多年投行咩。所以埋個個都係副蠢材咯!