佛都有火!男明星霸气对付记者!

Guessyou     2017-05-16     检举

成日话艺人身为公众人物预咗俾记者跟踪同影。

但有时记者唔听艺人讲起势咁跟,真系佛都有火。

陈冠希

好似被传做咗人老豆慨陈冠希,日前就被记者穷追猛打,忍唔住发火。

话说陈冠希自从恋上内地模特儿秦舒培之后都非常低调,最近有传二人已经拉埋天窗仲已经喺美国生埋BB。

记者收到风当然唔会放过佢,于是就喺机场捕定Edison!

Edison现身机场时都笑笑口,仲叫记者唔好跟,因为佢唔想回应。

但点知记者虽然收口唔问,但就一路跟一路影住Edison,搞到Edison无名火起。

指住记者嚟闹同埋影返佢哋转头话会摆上网,而最后Edison并无将照片放上网,放过记者一马。

报道一出,劲多人撑Edison,并插爆记者,觉得佢哋唔识见好就收。

仲话艺人都有隐私,就算要交差都要学识基本尊重。

Edison获得咁多人支持,相信佢都应该下返啖气喇~

郑嘉颖

郑嘉颖同陈凯琳慨忘年恋就系人都知!

当初不被睇好慨佢哋宜家感情非常稳定,仲成日传出结婚慨消息。

之前郑嘉颖孖住女友陈凯琳去水果档买香蕉,点知发现记者,于是就叫记者唔好再影。

虽然记者有表明身份同埋话会保持距离,但郑嘉颖始终觉得被骚扰,所以要求记者离开。

但记者苦苦坚持,搞到郑嘉颖嬲到要反偷拍。

可惜呢招无用,最后嘉颖决定由得记者继续影,行返水果档揾女朋友。

仲疑似情不自禁话咗记者一句“废青”。

不过佢都表明自己唔想被影,但都讲唔掂数,都唔知谁是谁非喇~

郭富城

最近新婚之喜慨郭富城同老婆恩爱非常。

但查实城城未高调认爱慨时候,曾经post过一张拖手相,引起众人猜想。

估紧相中手系属于边个,最终记者查到只手慨主人原来系方媛,于是就去机场捕住佢!

当时几个记者围攻方媛,不停咁影啊影,仲问佢问题,令佢不知所措,不停掩面求救。

后来城城单手插住袋咁从后现身,好客气咁叫记者唔好再影,再护送方媛离开。

呢一幕冧死好多女网民,话城城慨出现就好似白马王子咁,呢招对付记者真系高啊!

林宥嘉

话说当年林宥嘉同邓紫棋慨异地恋曾经轰动一时。

当时Yoga远道而嚟陪阿Gem拍拖,但就被记者发现,仲要跟埋上去当面影佢哋相。

当时恋情啱啱先萌芽慨佢哋当然非常紧张,Yoga亦都好有风度同霸气。

上前同记者理论,希望佢哋唔好再影,仲发生咗少少身体碰撞。

后来呢件事被大肆报导,唔少网民就话支持Yoga,觉得佢身为男人保护女朋友系非常合理慨事。

相反系因为记者不停纠缠,先会酿成碰撞。