100%真人真事,今晚同港女食飯既真實對白 (巴打我終於感受到)

hkpush10     2017-05-10     檢舉

> 男:今晚妳想食乜野?

> 女:是旦啦!!你話事

> 男:食壽司好唔好?

> 女:天寒地凍仲食D凍冰冰野...

> 男:咁去打邊爐啦,天氣咁凍,打邊爐就最正

> 女:我前兩日先打過,成日打好熱氣...

>

> 男:咁去食泰國野或者韓國燒烤好唔好?? >

> 女:都話左熱氣啦,仲要我食呢D野,你有冇心聽我講野架...

> 男:咁去 POKKA好唔好??o個度D SET DINNER都幾好食(開始有D無奈)

> 女:POKKA好多人,唔想排隊

> 男:咁去"鋸排 "好唔好??

> 女:唔想食咁多肉,好肥架..

> 男:冇人叫妳食曬件"排",或者妳叫碟意粉又或者其他野都得架

> 女:咁咪即係叫我睇住你"鋸排",我唔食你都唔準食... >

> 男:咁食台灣野好唔好?(有D火) >

> 女:台灣野好多油,好肥架(撒嬌狀)

> 男:咁去食粥啦(已經開始 "發悔氣")

> 女:天氣咁凍,食粥唔飽肚

> 男:麥記" 定"家鄉雞...行啦(江良才盡 "發悔氣",明顯已經唔想諗)

> 女:都話熱氣落..(委屈狀)

> 男:咁不如妳話事啦,我唔想諗啦...

> 女:我就係諗唔到食乜先叫你話事,你比D主見得唔得(發脾氣)

>

> 男:唔係話熱氣,就話肥,我真係諗唔到仲有乜可以食(爆發了) >

> 女:咁係熱氣、係肥"呀嗎"..我有講錯咩,自己諗唔到就亂發人脾氣(惡人先告狀)

> 男:咁去"味千"食拉麵好唔好(死狗狀)

> 女:唔..都好,我要食咖哩拉麵∕炸餃子,仲要食雪糕(明顯係見好就收)

> 男 : ( 心諗) 你老味~神又你鬼又你~咖哩唔能熱氣、炸餃唔能熱氣、仲食雪糕凍能死你!