一个21岁香港男仔 中左过千万六合彩之后的生活是这样的. . .

hkpush10     2017-05-10     检举

中奖心情 & 领取奖金过程

当初是在当日买的 即是我中左果日..买左4注 其实呢4注都买左成年几了..

我是上网投注的..就是下午1点左右吧..

投注完就照平常咁打机..

打打下..个电脑"芒"坏左开唔到

之后我同女朋友讲左句...:如果今日中左六合彩 我即刻打爆个"芒"

到左夜晚..出去食饭..错过左电视搅珠..所以就打电话去"对"

我听左之后..最先系有D惊..

因为我买呢张"飞"买左成年..唔知今日有冇买..

仲有一个因素..以为自己打左去自己投注户口Check番投注记录..

我对左5次..!! 打 1835288 对左5次.. 打1818(Check番投注记录)又5次..

第3次我好大力咁拍张电脑台,好大声咁讲:"中呀!!!"

我女朋友呆左咁望住我望左几秒..问我系唔系真..

之后搅左好耐..因为打去登记个号码已经过左服务时间..所以要等到听日

我仲特登打番公司请左半日假..(当然,我冇讲我中六合彩)

记得果日系星期四...

我女朋友果晚成晚训唔著,不过我就拍一声训左

到左第2日星期五..打左去登记了..不过要等2日工作天先收到钱呢

电话中的工作人员收线时讲左一句 : 恭喜晒先生 , 羸多D.."

我答左佢一句 : 羸够了...

到了星期二..终于收到钱了..户口显示左出来了

之后打去马会叫佢地将所有钱转去我银行户口呢..

马会过数银行要等3日

点知出事了..我一次将1400万过了银行..但银行不接受..

原来我地依家用紧果D普通户口..每次过数最多999万9千9百99,唔可以超过1000万

所以又弹回到马会户口 又要等3日..再打去过数去银行..又要3日

呢次我叻仔,先过850万,所以..搞搞下搞左2个星期先收到晒D钱

最后 我把我电脑个"芒"扔了..

-----------------------------------------------------------------

2009年,也就是他中奖一年后,这个廿二岁的年青人的感想:

中了头奖差不多一年..觉得时间过得好慢..

人都改变了不少..

(我相信很多人如果好似我咁..都会心谂:

哗..比我一定买名牌..买野买野系咁买野)

还有..有朋友对我说..比着我系你..我飞左自己条女..

去老兰(兰贵坊)沟靓女啦..

其实当你有呢笔钱之后..你就不觉得是什么了..

名牌..我当然有买..但都祇不过是哄自己开心奖励下自己..

如果大家有机会中到头奖..请不要给金钱蒙蔽了自己的心..

我个人比较喜欢食..大多数都系洗左响食果方面到..

以前出街食野..睇睇个餐牌..好贵wor,叫第二样野食啦..

依家...200蚊一只虾我都照叫(仲要冇睇价钱,想食即叫)

人改变了不少..我自己都觉得自己"串"左..

都唔系话串左既..系个人唔可以比人睇死既感觉..

果日打去CWB一家人食日本放题..BOOK 13位..但祇系得10人房同24人房..

我问接线生:

咁10人房坐13个OK嘛?

佢叫我多出黎果3个坐大脾㖞..我即刻小左佢一能..

我老老实实讲句 我都买左两层楼..

一层比屋企人..一层自己住..

依家我身家祇剩下头奖彩金的4分1左右..

好多人问我..生活点..D钱点用?用左响边?

我分左四份..一份自己;一份女朋友;两份屋企人..

仲有..生活好苦闷..日日训教打机听歌..

如果大家有机会中到六合彩头奖..请不要给金钱蒙蔽了自己的心..