41岁邓健泓:“ TVB根本想我死,佢地有心玩死我,还定都唔做,我而家要爆内部D衰野出黎”

hknews02     2017年05月16日     检举

 

 

对上嗰次拍剧系《使徒行者》,对上嗰次萤光幕露面系两年前信贷广告杂志,唔讲我以为两年前邓健泓巳经系自由身。

直到年头打电话去约访问,至知佢同大台份约今个月中才届满:“麻烦你哋等多我两个月,如果佢哋有心玩,真系会玩死我!”

同大台关系急转直下,外传原因有两个版本,其一当然是陈志云出事,昔日迷云党一概失势;其二,则是去年辞演《潮流教主》,拒绝同龚嘉欣旧情被摆上台,得罪大台。

 

邓健泓笑了:“我知自己咩位,我都未去到可以因为唔听教听话俾人雪慨位,冇工开呢两年系因为佢哋根本唔记得有我呢个人存在……”

出道二十年,演戏唱歌主持都叫做有过代表作,咁大个人都见你唔到?好出奇咩?其实摆喺大台又的确唔出奇,正所谓朝中有人好办事,呢啲系叫做成也志云,败也志云呢?

从 07年开始被人当成迷云党,人人知道他叫陈志云做 Honey,三月中满约离巢,邓健泓一边冒着被写成翻兜的危险现身支持陈志云宣判,一边选择在港台(陈志云现任商台首席智囊)重新开始,以独立身份演舞台剧,做制作人,他说一切是真的刻意:刻意在想所有人除咗副有色眼镜,我唔系黄马褂,我靠慨系自己!”

只要坚持,只要相信!

41岁邓健泓:“ TVB根本想我死,佢地有心玩死我,还定都唔做,我而家要爆内部D衰野出黎”

 

女友石咏莉只碟攞咗 IFPI两个奖?

系,一个系全年十大畅销唱片……其实佢系 Top 3、 Top4㗎,另一个系十大畅销女歌手。举个例,譬如话容祖儿 15年出咗两只碟,佢哋会累积两只碟销量……但系我哋出咗一只碟咋!

笑得好自豪㖞!系唔系觉得吐气扬眉?

系! Sukie同我情况唔可以话相似,但的确有雷同。我一直觉得佢唱歌好动人,一把咁好听慨声应该要多啲人听到,我想人哋可以忘记以前慨嘢,由把声开始重新认识佢……当然一开始冇谂住自己俾钱,谂住去敲下唱片公司门先啦……但系得番嚟慨回响都系信唔过、有啲说话令人唔舒服,都系觉得以前慨 Freeze太多新闻。唔紧要,我都学到嘢慨,呢几年你问我学到啲咩,就系坚持,就系要用自己双手去创造机会。呢啲机会唔系令你飞黄腾达,但做咗之后一定有嘢发生,一定会引领我哋去一啲地方……去到边发生咩事冇人知,但系你唔做,就肯定冇嘢发生!

 

你同我讲咗两次“相信就会有”,点解成日挂喺口边?

睇本书《 Secret》睇番嚟,人要正能量,要信,至会有好事发生㗎!

但人生总有啲时候,觉得个天玩紧你,根本信咩都冇用?

有!梗系有,我试过 06年离开 TVB,去大陆拍剧又收唔到钱,我当家㗎,要供妹妹读书㗎,我要养妈咪冇爹哋㗎!嗰阵时好辛苦,最难过……再前小小一样唔好过,唱片约冇咗, TVB又换咗经理人,嗰年连原子鏸都同我分开,一次过变咗三失青年。

爸爸喺你几多岁抛妻弃子?

我 22岁,佢去咗南非,跟住识咗第二个女人有咗第二头家……嗰年我仲喺外国读紧 Fine Arts,本来成绩好到未毕业 University of Calgary同 University of Alberta两间大学已经提早收咗我。但当屋企冇咗经济支柱,我就要返嚟做一家之主,入咗 TVB做儿童节目(参加 96年新秀)……其实我坐紧学行车嗰阵时,佢同妈咪都已经分开咗,我慨成长画面不嬲都冇爸爸。

 

呢种成长对你今时今日有咩影响?

绝对有,所以我最憎冇责任慨男人,我就系大男人……

大男人到点呢?

出街食饭我一定要做俾钱嗰个,冇钱咪唔出街啰……大慨,我系嗰啲唔想女朋友抛头露面慨人。

蜜糖功能系疗伤!

但系你个个女朋友都做呢行,点会唔抛头露面?

系,但系我慨意思系唔钟意佢哋太暴露,太性感。

咁大男人,当你事业失意时,会唔会好容易俾女朋友无心一句踩亲条尾?

有㗎,我以前脾气差过而家好多,尤其系冇碟出嗰阵时,女朋友讲一句啫:“阿边个边个唱得几好㖞!”我就会妒忌,就会嬲:“好好咩?而家我唱得唔好咩?做咩啫?好钟意佢咩你而家?”

有冇咁样搞到分手?

我历届女朋友大家都识, Marsha(原子鏸), Selina(李施嬅), Katy(龚嘉欣),佢哋个个都系好女仔,某程度上我哋系因为了解而分开。再讲人大咗,需要慨嘢会变,当大家觉得都俾唔到大家需要慨嘢,就会决定分开。

某程度上条路行到而家都系爸爸唔理你造成,憎唔憎佢?

我嬲佢就梗慨,当我要帮妹妹交学费,当我唔识填报税表,乱填搞到啲税好贵慨时候,当我好贫乏慨时候,我真系好憎佢。我冇同佢联终,唔想知佢而家点,如果有机会见到,佢唔好大声过我,因为佢真系冇资格大声过我……但我唔想有咁慨机会,根本就唔想见佢。我真系唔知佢咩心态,我真系好想知佢而家见到新慨仔女会唔会谂起我哋……我唯一肯定,佢唔正常!系正常慨男人就唔会咁!

 

记者行家话你寸,又有电视台 PA传出嚟你埋位时会叫人“唔好阻住你”,知唔知自己曾经俾人呢啲感觉?

我唔知……好坦白话俾大家知,我拍剧慨时候系好少同人倾偈 social, social唔系我慨工作岗位,讲好对白演好戏系我基本责任。我唔会吹水系真慨,但会唔会叫我埋位时我话俾人阻住?对唔住!我好早已经准备好,你问任何一个同我合作过慨导演同演员,我唔会咁扮嘢到最后一刻都话自己情绪未到…… sorry,我知自己咩位置,我只会上场尽力做好。

咁多年,你都知你自己咩位置?

梗系知啦!喺 02、 03年头唱歌嗰阵时,我记得有一次自己做得最唔啱。当年第一次上《劲歌》,我好想同女朋友分享,但系当时唱片公司宣传叫我唔好、太多记者……我一句话:“咩事吖?我钟意吖!”我冇谂过佢感受吖,你明唔明?

好多传言就系咁嚟,你有冇谂过一句“我钟意吖”传出去系点?

 

所以系真慨,以前我真系唔多记者朋友帮我,我唔系寸,但系我真系会黑面,钟意就钟意,唔钟意就系唔钟意。我而家都唔系做得最好,但系我的确而家学识咗去谂下人哋感受。

唔好再话我迷云党

41岁邓健泓:“ TVB根本想我死,佢地有心玩死我,还定都唔做,我而家要爆内部D衰野出黎”

做歌手年代、跟志云年代,你觉得你算唔算一朝得志语无伦次呢?毕竟得罪宣传、话志云系 Honey都系事业高峰时讲出口?

我承认我未必做得最好,但我的确觉得当你最好慨时候,好多人都想你死……所以呢啲时候特别多是非。 07年我由出边返去 TVB,陈志云知道我个人乱晒章而帮我,我都知道咁样惹嚟好多闲言闲语,但系我真系要讲多一次,我真系冇叫过陈志云系 Honey啰!当时系查小欣俾咗八样食物叫我拣,我话哈林大哥系辣椒,会令节目刺激、黄柏高系苦瓜,虽然苦涩,但佢真系帮到我、我话李诗韵系水,因为有情饮水饱,而蜜糖有疗伤慨功能,因为陈志云重整咗当时最乱慨我……好好㖞!当日在场听到慨记者都冇嘢,完咗方力申仲打嚟赞我讲得好好,点知第二日《苹果》(日报)一句标题:“邓健泓叫陈志云做 Honey!”……所以都话,你哋要整死我,真系好容易!咁多年,我肯定试过喺记者面前黑面,但你哋要知个原因。不过亦都系因为我咁多年好过,亦都唔好过,令我明白一个道理,你对人好系应该,但系人哋对你唔好,并唔系你慨错!

 

所以你有两个事业高峰,一个系 Paco俾你,一个系志云俾你?

两样嘢嚟慨! Paco嗰个年代系靠我自己能力,当年佢揾咗三个有经理人合约慨艺人试音唱一首主题曲,林峯、叶璇同埋我,系听完我唱,佢话唔要我唱一首主题曲,要帮我出一只碟!嗰日我真系开心到爆……陈志云唔同在,系我唱过慨歌、拍过慨电影大家都唔记得,净系记得黄马褂,净系记得我系迷云党……

讲落系有啲惭愧,真系要俾你提一提,至记得你除咗迷云党都有其他作为……

系㗎,我系由零开始,由做儿童节目、旅游节目,自己赚番嚟我第一只唱片合约㗎!我所有努力都冇人记得,净系记得我系迷云党!

陈志云经历过咁多,有智慧咁多,你有冇问佢,当全世界除咗你系迷云党乜都唔记得,仲可以点?

佢唔使讲,我喺佢身上已经学到好多。唔需要理人哋点讲㗎,做好自己啦!因为你慨价值唔系出自人哋把口,你慨价值你自己至知。

 

你同无线慨关系,几时开始急转直下?系因为陈志云离开,定因为你分手后唔肯同龚嘉欣再演情侣?

我未去到一个位置令佢哋觉得我唔听话,系根本呢几年(陈志云离职后)佢哋就唔记得我慨存在……

所以系真慨,朝中有人好办事,你仲唔系成也志云,败也志云?

我唔可以咁讲,败也志云呢句我唔同意, 07年上返轨道我系靠陈志云,但亦都系咁大家净系记住我系迷云党。所以 11年我好大胆去接受一个 40分钟慨独角戏《独坐婚姻介绍所》,呢个挑战我唔接受,就真系抵人哋觉得我一世都要靠人哋先可以成功,抵人哋戴住有色眼镜。我就系要人哋除咗副眼镜……我唔会话自己时候未到成就一番大事,我净系想俾人知我系一个演艺工作者,我靠慨系自己......

欢迎投稿:爆料或者吐槽, 加入我们群组《我要爆料》,或者发邮件到我要爆料粉丝页。我们会有专门记者,帮你编辑成为文章,发布到我们网站。