[绿帽分享] 认识四年半, 今日先知道真相,我带左绿帽

Hot2News     2017-05-18     检举

 

今次真系想打篇文发泄吓果种心痛到空虚到无晒感觉慨feel出黎…对唔住可能好负能量……

文长,因为我会将我经历打晒出黎…

背景:我同女友识咗四年半,佢大我三年。大家都系外国番黎。我系初恋,佢起外国当年拍过拖 (keypoint)

当初大家系同事,咁都系一般人咁行街睇戏食饭慢慢增进感情成为情侣;

其实当初佢接受我果时系有少少保留、佢话佢系一个无乜安全感慨女仔,我果时觉得系因为我后生过佢,我下定决心为咗佢会成熟 会成为一个有承担慨男人 (初恋总是盲目的)

然后, 大家一齐起同公司发展,感情我自问都好稳定;虽然争执少不免,回想番我地大家都因为彼此改变咗好多臭脾气

我地当然会做情窦初开慨情侣会做的事:去旅行。

我地第一次旅行系去泰国,果阵记番真系好傻b,同自已讲佢系好女仔 唔好一时咸湿就搞人 所以无预备到dom, 不过我依然订咗双人房 (哈哈)

果晚好深刻,情到浓时 无套冲落下面7仔买 你知啦细个去收银处望到都老尴 果阵唯有硬住头皮扮经验老到咁俾钱…

冲番上房 青头仔好难入啊 咦有血慨 哇原来黎m 最后搞到成床血 谋杀案咁

(不过都知道咗佢唔系处 我明外国留学系开放d)

 

[绿帽分享] 认识四年半, 今日先知道真相,我带左绿帽

 

番到香港果晚送佢番屋企 都系忍唔住问佢first night慨对象背景:前男友,日本藉澳洲居民…有自已楼有自已经济能力…佢屋企都有人入咗藉有晒家室一齐起澳洲生活…

果刻有d唔开心,原来佢ex咁好条件,不过我收埋起心,因为佢人已经番咗黎香港 我有信心拎到佢个心,同佢发展落去。

时间过去,我转新工佢继续起旧公司。依四年我地继续做情侣慨日常, 又去好多旅行,介绍自已屋企人佢识 有时睇番d相呀wtsapp呀 个心真系甜的。我唔系果种好多花臣慨人,细水长流先系我性格,好开心我伴侣都无嫌弃我闷。

背景系咪好长呢 哈哈入戏肉啦…

我虽然无佢ex咁叻,不过都叫做有d家底

屋企有私楼 爸爸妈妈退晒休之余都有楼租收咁啦 佢地好恩爱会成日周围去旅行

咁有时屋企无人 咁梗系叫佢上黎训

事原前几晚佢话对我唔住,系咁喊,又话浪费咗我d时间云云…

我安慰咗佢好耐,佢同我讲工作好辛苦 想番澳洲 (15年佢提出过,我挽留咗佢)

我听到当然好唔舍得,但系明白起澳洲生活系佢一直慨梦想。果刻我同佢讲:你去啦…You chase your dream, I continue my life… (圣人mode)

之后依两日我尝试用平常心去看待件事,继续做番自已,去珍惜大家慨时光…但系每当我拖住佢望住佢 我发现自已做唔到去唔怪佢。我唔明大家经历咗咁多野都比唔上佢对澳洲慨向往? 不过真系宝宝心痛但宝宝不说唉

 

[绿帽分享] 认识四年半, 今日先知道真相,我带左绿帽

 

如果看官们未睇春娇救志明,可跳过:

前晚我地睇完套戏,内心好矛盾,我觉得我地同千嬅fishman好似: 姐弟恋、对感情有不舍 bahbahbah 不过人地有good ending嘻

戏入面有一段春娇唔小心望到志明电话…继而发生误会…估唔到会发生起我身上 (不过剧系误会 而现实系更残酷)

到咗沉晚,我早放工过佢,咁去咗买糖水俾佢食等佢番。食完野,我地亲蜜咗一次佢就光猪咁训著咗。我知道佢番工好辛苦 我无特别叫醒佢,唯有帮佢盖好被,汁好d衫裤。

突然醒起佢咁大头虾实唔记得帮电话叉电;系我衰系我仆街,个mon著起我睇到佢有msg, 我谂起春娇个幕…最后都忍唔住试撞佢pw开黎睇…

第一次我就试自已生日,估唔到一撞就中。果下好sweet的 哈哈

好奇真系会害死猫,禁开wtsapp…竟然发现第一个就系当年佢个日本人ex。

我果刻个心好平静,亦都无怀疑我女友;我仲觉得佢揾番ex都无可厚非,因为佢起澳洲同我女友相处咗咁长时间 佢要番去生活暂时都要依靠佢

但系我太年轻了,我一路睇晒佢地d对话。

到我睇晒,个心依然好平静。但系我知道哀莫大于心死 依几只字就正正描述紧我。

原来我一直对女友慨信任同价值观都系自已一厢情愿:佢地一直都有联络,wtsapp, skype, webcam…甚至系我地起香港热恋依几年…女友有几次话同屋企人去澳洲玩…原来都系去密会佢ex…(剩系到依度我唔知各位心唔心寒)

 

 

而最令我心痛慨唔系佢地d旅行照、情情塌塌对话或者日本人中间时间亲身黎香港揾佢而女友仲帮佢book酒店再同住,抑或

女友介绍日本人俾d闺蜜识……

原来起2015年佢起澳洲时, 呀日本人已经俾咗promise ring女友,而女友都应承咗佢;到2016年佢又再去澳洲,日本人正式求婚,女友再答应。佢地果阵仲一齐去买家俬去规划未来慨生活添!

你以为电影先会发生慨野正正发生起我身上哈哈。更甚者,由2015年开始佢地已经准备紧marriage visa。到到依家,佢地之间慨对话系倾紧婚礼点着, 个头点set, apply visa篇论文点改grammar。

篇文我睇到好心寒,讲到佢之间relationship系几咁bonded,无咗大家唔得,婚礼起18年年尾举行;真系仲长气过我依篇文。

去到依度唔知大家心唔心寒呢,一个枕边人原来四年来一直背住你做咗咁多野;而自已到最后都只系陪衬、系第三者、系一个大傻B。

我唔知可以同边个讲 我唔想屋企人担心佢地又未番 我唔想同好兄弟倾诉佢地仲觉得我会最早结婚 我知我好长气但系我得高&连登可以发泄出黎 真系好多谢你地

放低个电话,佢醒咗少少。问我做咩企起到望住佢。我无出声,上床训低kiss咗个额头一下再好紧好紧咁拖实佢只手同佢一齐训。

一路训果时我不断问自已依几年系咪正正好似佢咁讲我浪费咗时间起佢到? 我答唔到自已,我剩系觉得自已对唔住父母 (打到依度真系眼湿湿)

本人自问唔风流唔mk,唔通古语有云:男人不坏,女人不爱 先系真理?

但系我可以点坏 我发觉自已连坏慨对象做慨都俾我坏十万八千倍 我好空虚。

最讽刺慨系我地旧公司d男女关系一直系我地慨共同话题,大家都成日非常不齿同事间乱搞…果阵我仲用胜利者般慨口吻同女友倾,而佢正正起你讲慨同时做紧同一样野 咁你话心唔心死