包你有共鳴! 香港男仔最憎呢28種女友行為 同10種麻煩女朋友...

Guessyou     2017-05-19     檢舉

 

 

包你有共鳴! 香港男仔最憎呢28種女友行為 同10種麻煩女朋友...

1.隨隨便便同人爆自己嘅私密事,例如食女朋友啲M。

2.一鬧交就上Facebook係咁呻,企圖獲得一班姊妹同狗公十卜。

3.稍有不滿就搬出前男友同你比較。

4.無論做咩同點做,都挑剔你做得唔好

。 5.一直逼問你阿媽同我跌落海會救邊個先。

6.咩聚會都嘈住要跟住去,一啲私人空間都冇。

7.一直逼你扮電影、偶像劇裡面嘅浪漫情節或台詞,例如要你好似都敏俊咁識瞬間轉移。

8.出門出十世都未出到,買個早餐都要黐假眼睫毛。

包你有共鳴! 香港男仔最憎呢28種女友行為 同10種麻煩女朋友...

9.一鬧交就走咗去,打電話死都唔接,但唔打畀佢你會死得更慘。

10.咩事都唔講出口,當正你係佢肚裡面條蟲咁,知係應該嘅,唔知就係唔愛佢。

11.只要男友同異性有接觸,就將對方當第三者係咁明示同暗示對方唔好。

12.將夢境當真,醒咗就發你脾氣話你拋棄佢搞外遇點點點,最後你要為自己冇做過嘅事情道歉。

13.同其他男仔搞小曖昧來逼男友在乎自己。

14.太大女人主義,覺得自己講乜都啱,睇唔起男友。

15.唔識睇場合做人,郁啲就大庭廣眾當眾翻臉耍任性。

16.偷偷Del你珍藏已久嘅AV。

17.買任何嘢都要批評,硬係覺得你好冇品味。

18.只要有人打電話嚟就一直追問係邊個,見到你有新嘢就一直追問邊個送。

19.唔諗嚇係咪自己有錯又唔好好溝通,一嚟就擺出自己最委屈嘅受害者樣。

20.假大方話︰「唔緊要~」、「冇所謂」,但心裡明明勁不爽,當下扮冇事之後就發脾氣。

21.女友介入工作,話你應該要點做,又干涉你專工、調職、創業嘅決定。

22.成日同路上、螢幕上及前女友比較,死都要你答邊個靚啲。

包你有共鳴! 香港男仔最憎呢28種女友行為 同10種麻煩女朋友...

23.強迫你喺銀包放合照,手機Wall Paper、Profile Pic乜都要換成佢啲相。

24,覺得自己永遠都唔會錯,都係其他人有問題。

25.郁啲就講分手。

26.太優柔寡斷,你畀咩意見都Ban,但自己又講唔出想點。

27.故意誇大事情嚴重性或謊報意外想男友擔心。

28.愛記仇翻舊帳,一件事可以拎出嚟嘈10次,兩件事冇關聯都可以照拉埋嚟講。

之前學識咗唔好亂講嘢,避免1句話惹怒男友,今次就要知男朋友最憎嘅女朋友類型。可能你會話:憎又要一齊?咁而家係講緊憎哩個類型,唔係憎你吖嘛。你有好多好多方面令佢好鍾意你,所以佢唔可以直接將你歸類為佢憎嗰啲類型。如果Sizz知道男仔最頂唔順邊啲類型,然後努力脫離哩個分類,大家相處得開心啲,交又嗌少啲,感情都好啲啦。

 

包你有共鳴! 香港男仔最憎呢28種女友行為 同10種麻煩女朋友...

 

1. 過份敏感型

即係佢講1句,你都會聯想起好多嘢。舉個簡單例子:佢送份禮物俾你純粹想氹你開心。但你會諗:做乜無事獻殷勤?佢係咪做咗啲對我唔住嘅嘢?其實佢真係咁啱見到份禮物襯你先買嚟送俾你,但因為你太敏感,佢又要無端端解釋一輪(你可能仲唔信添),解釋咁耐乜情趣都冇曬啦。

nvpengyou2

2. 斤斤計較型

想做賢妻良母,為另一半好好理財絕對係值得欣賞嘅事,但偶然都可以錫自己、錫對方多啲,花多少少俾大家開心嚇。好似去旅行咁,樣樣都計到足又點玩得盡興呢?又例如一齊去街,可以今餐你請、下餐我請,大家配合得到就冇問題,唔一定要1分1毫都計足嘅。

nvpengyou3

3. 前度錄音機

成日將Ex講過嘅嘢掛嘴邊。或者你嘅原意只係純粹想佢知有啲位可以大家都配合得好啲,冇心要比較啲乜,但聽嗰個唔會咁諗㗎:「個Ex咁好,你唔返去搵佢?」聽完哩句,你又會嬲!

nvpengyou4

 

4. 識少少扮代表型

1個平等嘅討論氣氛好重要,當是但1邊擺出1副「XX嘅嘢,你識條鐵咩?」嘅樣,咁就冇辦法互動落去。虛心受教嘅佢只可以唔出聲聽你講,唔講唔講就唔會再講,又或者會爆發1句:「得喇你啱曬,我錯曬啦好未?」然後?你咪又著咗囉。

nvpengyou5

5. (太)獨立自主型

算係上1個類型嘅延伸版。因為你覺得你識得夠多,男朋友對你嚟講好似變到可有可無咁。當佢唔係好搵到自己嘅存在價值,再加上哩個時候你都仲係「唔輸得」,佢可能就會心淡。

nvpengyou6

6. 忽冷忽熱型

極端啲嘅Case就係所謂嘅「呼之則來,揮之則去」,哩頭話「BB,你好好啊,我冇咗你唔得」,轉個頭就「你做乜成日都要咁管住我啫!我都需要私人空間㗎!」咁走嚟走去實攰啦。

nvpengyou7

7. 媽媽型

即係成日好似媽媽湊仔咁,哩樣唔准嗰樣又唔俾,Sizz自己唔鍾意之餘,其實對方都好憎。「我想你好咋!」哩句萬能Key都唔知傷過幾多男仔心。

nvpengyou8

8. 驚驚青青型

少少事都好擔心好驚,長期處於緊張狀態,搞到冇1刻可以好好享受。其實好多嘢都唔係想像中咁恐怖,反正有佢陪你一齊做,你肯試嘅話可能又會睇到唔同嘅風景呢!

nvpengyou9

9. 左耳入右耳出型

你成日都話想了解佢多啲,但到佢鼓起勇氣同你分享心底問題嗰陣,你又係聽完就算,轉個頭就唔記得。你問嚇自己,佢解釋咗幾多次咩叫越位俾你聽?你聽完之後有冇記住?定係準備11月17日去旺角場支持港隊嗰陣又問多次?

nvpengyou10

10. 痴身型

係啦,就係電話1響就要聽,男朋友同朋友踢場波都要跟到底嗰種。你鍾意佢,想成日前痴住佢好正常,但又唔駛1日23小時都要身貼身嘅(咩啫佢去廁所同沖涼我都冇跟住佢㗎)。好似上面提到,大家都需要私人空間㗎嘛。