(已報警) 多謝東瀛遊! 比左一個咁Q難忘既旅行團我! 根本當我地係乞衣 !

Hot2News     2017-05-19     檢舉
(已報警) 多謝東瀛遊! 比左一個咁Q難忘既旅行團我! 根本當我地係乞衣 !

個團名叫做東瀛遊東京5天皇牌之旅,每人團費連導遊費1萬…係呀,係1萬,E個團個特色係3個樂園,迪迪尼,富士喼同埋hello kitty land,

因為係同我阿妹and姑姐去,仲要第一次去,所以選擇左跟團。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

既定行程係第一日:香港->成田->Aeon購物城。

第二日:hello kitty land->平和公園->富士山溫泉酒店。

第三日:富士急->高尾山->新宿購物大道(伊勢丹……)。

第四日:迪迪尼(全日)。

第五日:淺草雷門 寺->東京電視塔(遠眺)->酒酒井outlet->香港。

行程都幾緊密,但跟得團都預左,第一次去,緊D去多兩度都唔錯。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

我知道導遊有權編排整個團既行程,所以我地一上旅遊巴,佢第一句已經話我地既行程會有變,我先講左我地五日既行程俾大家聽先。

第一日:機場->淺草雷門寺->新宿酒店。

第二日:迪迪尼->新宿酒店。

第三日:高尾山->富士急->平和公園->平和附近個outlet->河口湖溫泉酒店。

第四日:hello kitty land->酒酒井outlet。

第五日:Aeon購物城->香港。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

眼利既朋友睇完我地5日既行程應該都留意到,我地冇左一個行程,伊勢丹,我朋友同我講,去新宿點可以唔去伊勢丹,淨係買生果都要去啦,不過我第一次去,都唔知咁多,算,講下我5日黎既辛酸。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

第一日:我地到達成田機場係當地時間2點左右,搞得黎都成3點先上車,導遊兼領隊就話行程有變,

第一日會去淺草先再返新宿酒店,亦都講左少少第二日既行 程,我地去到淺草已經係5點15左右,

領隊講左少少雷門寺有咩特色,有咩做,講埋點拜神,點求籤,之後就自由活動,可以行一粒鐘,之後就返酒店。

感覺上都 唔錯,雖然冇乜時間,但心諗跟團就係咁,不過佢冇講到雷門寺既商店街D舖頭原來5點幾就開始陸陸續續關門,所以我地基本上10間行到5,6間,好多都關 哂,

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

又自己安慰自己,咁晏落機,又成個幾鐘車,都冇計,只好當見識下就算,點知D衰野就慢慢黎,我地行完淺草一上車,佢就話晚餐要返酒店再自己出去搵食, 每人有1500JPY可以出去食,

咁我見成團人都冇人出聲,所以又諗跟團可能真係咁,所以又冇出聲,第一,二晚我地住新宿華盛頓酒店,個導遊話行去新宿站 附近會有好多野食,話好近,10幾分鐘就到,

但我地返到酒店都已經8點半,CHECK IN上房放低行李出返去都9點,行埋出去都已經9點幾,

由於12點左右喺飛機食完個午餐就到9點幾,所以大家都決定出去食左野先,點知食完野想行一陣,好 多商場同賣野既舖頭都已經關哂,冇野行唯有返酒店早D休息。

講埋間酒店,超細,4呎床但房應該得5呎,姐係得1呎你行,但佢仲喺床尾放張檯仔,我影俾D朋 友睇,佢地都話係咁上下細,所以算啦,都 尚算乾淨,冇理咁多就瞓。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

第二日冇咩特別,因為全日都係迪迪尼,不過返到酒店又係8點幾,所以又同第一晚一樣,食得黎又冇野行。

第三日開始惡化,一早我地就出發,因為第三晚住溫泉酒店,所以大家都一袋一喼咁出發,但係朝早落狗屎,勁大雨,

但架旅遊巴竟然唔停喺酒店門口,停喺對面馬 路,停嗰個位馬路邊仲要有D花曹,想放喼又要跨過個花曹,落大雨,擔姐仲要拎喼,

點跨過個花曹,只好踩落D泥到行落馬路放喼,

 

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

 

個司機又唔幫手,所以全身連 鞋連袋連喼都濕哂,但有乜計,所以又安慰自己,落雨都冇辦法,

可能酒店唔俾停門口又或者其他原因停唔到門口,咁就濕淋淋咁出發,第一站係高尾山,去到話要 停車喺停車場行過去要10幾分鐘,

但我去到未上山前既馬路旁應該係可以停車,如果大家爽手下車,

應該都係阻到唔洗30秒,點解要我地行7,8分鐘既路過 去,仲要落大雨,又一次咁連鞋都濕埋,好喇,坐纜車上到高尾山山頂,

因為落雨又乜野景都睇唔到,得幾間舖仔你睇下,仲要得一間賣野,其他都係食,所以喺上 面留左半個鐘乜都冇做又落返去,

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

之後就話去富士急,有一個團友終於出聲,話落雨D機動遊戲都唔開,不如去附近商場行下算啦,點知個領隊話死都要入場食個飯 先,先再去平和公園,再去outlet,因為富士急有包一張餐劵,無謂浪費喎,點知由門口入去食野既地方都要行10幾分鐘,

記住仲要係落緊雨呀大佬,好 喇,行到去,拎餐又10分鐘,得一個鐘時間你食,其實得3,4個字,因為又要預時間行返出去,來來回回又濕又累,大家都乜野心情都冇哂,

不過諗住好啦,去 埋個平和公園就可以去outlet血拚,都有少少心機,不過又一次咁打擊我,

去完個平和公園,諗住終於有機會好好行下買下野,點知塞車…正常10幾分 鐘車,我地要成個鐘先到,

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

所以我地得兩個鐘行個outlet,唉,算啦,臨時加插,唯有睇幾間想睇既就返溫泉酒店,我地7點到達溫泉酒店,

原來落左車仲要 行兩層樓梯,兩層左右既斜路先到酒店,黑媽媽又濕,唉….算,一陣享受下個溫泉補返,

我地當晚晚餐喺酒店食,係包既第一餐,之前領隊已經問大家會唔會 加刺身,我一行3人,阿妹又唔食生野,諗住叫個2人份都夠,仲要13000jpy,應該都唔會少,

點知一坐低,見到架船仔,當時就O左,架所謂魚生船超 細,入面得7,8樣種類,每樣得兩片….

係呀,姐係成千蚊港紙既刺身船得16片刺身,我又安慰下自己,可能日本D魚生特別好食呢,仲要有兩片仔龍蝦刺身,

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

點知一食落,感覺去食香港既放題刺身都仲好D,起碼大件D,令外包嗰個set,得隻炸大蝦好少少,其他都係D cheap野,少少沙拉菜,3舊燒賣仔,一碗蛋花湯,一碗白飯,感覺你返大陸食都仲好D,完全中哂伏,都係勉勉強強咁食完就算,返房抖一陣就諗住落溫泉輕 鬆下,

點知落到溫泉又大開眼戒, 講明係露天溫泉 ,首先係室內 ,而且個溫泉嘅size 只得四個浴缸咁上下大,感覺連桑拿浴室既池都大過佢,我唔明點樣叫溫泉囉 ,所以我都係玩咗十五分鐘就返房 ,

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

講起房, 間房係大過第1,2晚嘅酒店嘅, 但係嗰個裝修 ,完全同大陸三星嘅一樣 ,又殘又舊 ,入到房一陣味, 完全係冇裝修可言, 所以嚟到呢間酒店係完全唔放鬆 ,第二朝聽返啲團友講重要有一兩個比野咬添, 好啦乜都冇得做咁唯有早啲瞓, 寄望第四日好啲啦。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

黎到第四日朝頭早 ,酒店提供嗰個早餐極少嘢食 ,諗住早餐呀算啦 ,之後我哋就上車出發, 坐一個鐘頭多啲車 ,去 hello kitty land, hello kitty land 就冇乜好講 ,完咗我哋有坐一個鐘頭車去, 食午餐 ,因為今餐又係有啲自費嘅嘢所以都好豐富 ,但係我想講既係, 如果唔加啲嘢 ,個餐午餐嗰個所謂日式火鍋 ,只係得幾片豬肉同埋啲菜 ,就乜都冇啦 ,

咁樣就所謂嘅日式火鍋, 咁我哋自己加咗餸食得好啲就算啦 ,之後我哋又坐一個鐘頭車去 outlet, 但係去左兩達地方個領隊都冇解釋每個地方有啲乜野特別應該點樣去玩或者有啲乜嘢必須去睇去買 ,只係去到嗰度就預咗個時間畀你之後就自由活動解散 ,完全冇做埋兼職導遊嘅本份 ,好啦自己玩自己嘅算啦, 玩完跟住又集合上車去食晚飯 ,又係一個鐘頭車, 我哋今晚嘅晚餐呢就係食燒肉嘅 ,

點知一去到嗰間嘢呢, 好似平民飯堂咁樣 ,完全冇格調, 如果唔係又係有加野,都係食埋啲垃圾仲衰過香港啲港式韓燒, 仲要冇分吸菸區 ,有啲其他食客喺度食煙 ,嗰間餐廳啲餐具又黃又舊污糟邋遢 ,感覺又一次中伏 ,食完飯我哋就返第四晚嘅酒店 ,間酒店又係, 大陸三星嘅格局,上到房,係用好舊式嘅插卡開門 ,入到去依然係好殘舊嘅裝修傢俬, 亦都係有陣味 ,又係安慰自己嘅時間 ,鬼叫佢哋已經定咗酒店呢 ,都冇辦法㗎啦, 所以都冇乜點樣 搞其他嘢 ,又瞓覺 。

(已報警) 多謝東瀛遊! 比左一個咁Q難忘既旅行團我! 根本當我地係乞衣 !

 

第五日開始, 間酒店嘅自助早餐又係, 離離去去得幾樣嘢食, 之後我哋又坐一個鐘頭多啲嘅車 去 aeon購物城, 個所謂領隊兼導遊一如既往去到放低我地解釋完玩幾耐喺邊個位上返車又走咗, 第五日全日就係得一個節目 ,所以有成4個零鐘畀我哋去行呢個所謂購物城 ,但係呢個所謂購物城同香港嘅吉之島係一樣 ,所以根本冇乜嘢好睇, 我哋就同幾個團友自己行去隔離其他商場 行 ,總算自己搵返啲自己時間,去行下D日本商場, 之後行完之後我哋就坐車去機場返香港 。

成個旅程, 有好多團友不滿 ,我哋都已經自己開左個group 去商討點樣去投訴今次嘅旅程。

我雖然係第一次去日本, 但唔係第一次去旅行, 之前五六次都係自己自由行 ,但今次因為同屋企有老有嫩, 所以選擇左跟團, 令我確信, 跟團真係一啲都唔好玩, 經過今次 ,我就算去非洲都唔會跟團 ,好後悔曬咗成萬蚊去跟一個完全 可以媲美大陸團既一個所謂黃金日本團我總括下依個團最大 缺點 ,

第一 :冇去到新宿購物大道 ,呢個真係大大的失敗, 去新宿唔去伊勢丹 。第二 :行程編排完全失敗, 第一日定咗係去aeon購物成因為就近 ,但係個領隊友自己改咗去淺草機再落新宿 ,去到完全冇嘢行, 連食都寥寥可數。第三: 領隊冇體諒因為天氣而編排或更改其他行程, 第四: 五日裡面所食嘅野完全失敗, 如果唔係自己加料, 可以話去食屎 。第五:酒店完全唔得 ,尤其是係個溫泉酒店 ,

真係衰過桑拿浴室我分享返今次慘痛嘅經歷 ,係希望唔好再有人去所謂嘅黃金日本團, 尤其是係東瀛遊 嘅旅行團, 最後我哋先知道原來個所謂領隊, 都係接freelance ,唔係直屬東瀛遊 ,希望有睇到呢篇文嘅人 ,就算跟其他公司嘅旅行團都好 ,都要三思。