接棒!TVB 80后上位小生逐个睇!有无你慨心水!

Hot2News     2017-05-12     检举

TVB经历一班花旦小生流亡潮后,成功俾到班80后二、三线花旦小生上位,其中有好多位大家日日开电视都会见到。今日小编就拣咗几位80后讲下,唔知大家又最like边个呢?

袁伟豪(81年出世)

接棒!TVB 80后上位小生逐个睇!有无你慨心水!

07年凭香港先生冠军入行,不过做极都系绿叶角色。捱咗多年终于捱出头,喺《铁马战车》饰演施马Sir同《EU超时任务》慨郭Sir,呢两个角色都好受观众欢迎。事业有起色,爱情亦得意。佢同12年最上镜小姐岑杏贤挞著,有传而家已经同居,可能好快会有好消息。

王浩信(83年出世)

接棒!TVB 80后上位小生逐个睇!有无你慨心水!

由本来做歌手到而家转型拍剧慨王浩信,近排获TVB力捧,啱啱喺《EU超时任务》入面做男主角。佢喺剧入面做足功课饰演围头仔(渠头)入型入格,大结局慨时候更令人印象深刻,仲话要推佢成为今年视帝!TVB亦即时加长4年约绑住佢,前途一片光明!

洪永城(83年出世)

接棒!TVB 80后上位小生逐个睇!有无你慨心水!

洪永城一过TVB就已经获力捧,一开始拍剧就好快成为男主角,但系观众就好钟意睇佢主持慨旅游节目。而佢同唐咏诗慨恋情亦似乎十分稳定,自从两个一齐咗之后,佢就无晒绯闻,希望佢哋两个快啲拉埋天窗啦!

张继聪(80年出世)

接棒!TVB 80后上位小生逐个睇!有无你慨心水!

13年佢喺《老表,你好嘢!》入面做配角之后,好多观众都觉得佢好搞笑。15年更喺《收规华》入面担正,演技亦获网民赞赏。佢老婆谢安琪啱啱宣布会暂别乐坛休息,而家要担起头家慨佢可能会经常喺剧集出现。

杨明(81年出世)

接棒!TVB 80后上位小生逐个睇!有无你慨心水!

于1999年加入TVB,不过由于多次惹上官非同负面新闻不断,曾经被TVB投闲置散,不过近排又被力捧,好快有佢慨《火线下的江湖大佬》出街。佢同龚嘉欣老友鬼鬼,二人更陪对方经历低潮期。他话如果龚嘉欣到40岁都冇人要,会考虑对方。

黄宗泽(80年出世)

接棒!TVB 80后上位小生逐个睇!有无你慨心水!

贵为TVB一线小生慨佢而家唔多拍TVB剧。而佢自己有开餐厅,生意仲唔错添!近排佢被传媒问到系咪同日籍模特儿Jun拍拖,佢就话:“了解中。”其实而家大台都唔介意艺人公开恋情,点解唔快啲公开呢?

黎诺懿(80年出世)

接棒!TVB 80后上位小生逐个睇!有无你慨心水!

佢一入行就喺03年《当四叶草碰上剑尖时》担正做男主角,之后就无再做过主角。直至12年先喺处境剧《爱·回家》中再次担正男主角,大获好评。后来同家境富裕慨女友李洁莹结婚,被传媒叫佢“五亿驸马”,仲有传老婆外家送价值4千万慨西半山豪宅俾佢哋两公婆住。

罗仲谦(84年出世)

接棒!TVB 80后上位小生逐个睇!有无你慨心水!

凭著40寸胸肌上位慨佢,虽然经常被网民狠批佢啲戏麻麻,不过仍然被TVB力捧。而佢近排最轰动慨当然系同女友杨怡秘密赴英国搞婚礼啦!