男仔10个小动作就知道佢对您有好感

hkpush10     2017-05-10     检举

女人心海底针,令你点都猜唔透佢地谂紧乜野?定抑或实际情况系,你根本唔识得理解女人独特慨一套语言呢?好多独身慨朋友都成日以为自己无人钟意,但其实好多时候或者只不过系你无用心去睇清楚身边女性朋友不断发放比你慨一啲微小讯号,而你却系蒙在鼓里完全接收唔到。

唔想明明对方对你有好感,但因为自己蠢而白白错失机会?咁就快啲睇清楚下面呢10点啦!

1. 千方百计揾机会见你

如果对方真系对你有好感,而且仲成日想揾机会同你见面,咁就系最大机会佢地想你地慨关系进一步发展。例如你唔知佢食素,傻更更约左佢去锯扒,但佢仲唔介意照话同你去慨话,咁就意味左佢好想趁机认识你多啲。

2. 成日趁机掂你

本身你地两个只系倾紧计,但唔知咩野慨原因、唔记得左因为乜野慨话题,佢地突然就笑到趴左喺你膊头上面。有或者因为见到某啲野,佢就突然撞一撞你示意。以上种种慨身体接触,其实都代表左佢对你有好感。

3. 就算无见过佢身边慨朋友,佢地都认识你

本身你其实系唔识佢身边任何朋友,但因为佢成日都会喺自己朋友面前提起你,所以搞到你一现身大家都好似已经识得你咁。好明显地,佢地系非常重视你先会介绍你比佢慨朋友知道。

4. 采取主动喺whatsapp直接揾你

假如女仔遇上左自己心仪对象,佢地好多时候都唔会介意,甚至系好乐意主动喺whatsapp揾你。而相反如果多数系你主动揾佢慨话,咁佢地对你有兴趣慨机会就会比较低。

5. 唔觉得冻都话冻

“我对手好冻。”其实唔一定真系代表佢好冻,有时候只不过系个同你亲近一啲慨借口。

6. 有求必应

无论佢地有几忙都好,只要你一声叫到,就算有几唔得闲都好,佢地都会即刻冲黎帮手。愿意同你一齐赴汤蹈火,明显系对你有意思啦!

7. 同你单独喺埋一齐慨时候会唔同啲

同朋友同一场合出现慨时候,佢系非常内向。但假如只系单独同你一个见面,佢却相反非常活跃、外向,显露出佢真实慨一面。如果有咁慨情况出现慨话,咁即系佢已经非常信任你,而且对你放下左戒心。

8. 望住你慨嘴唇

从科学的角度嚟讲,当一个人面对面同你倾计慨时候,假若佢慨目光系集中喺你慨嘴唇,而且仲经常微微张开嘴唇,就即是意味左佢已经被你吸引住。

9. 同你讲你好香

对于自己慨心仪对象,好多女士都会坦白觉得较为吸引慨男士系比其他人香,所以如果有女仔赞你香慨话,或者你同佢喺埋一齐慨机会都会高啲。

10. 你所有讲慨野都可以哄到佢笑

就算你明明搞左个烂到唔好笑慨gag,又或者讲左啲根本唔好笑慨野,佢地突然之间都会喺你面前大笑。咁样慨反应其实就代表左佢地觉得你好有趣,想令你知道佢地好重视你。相反如果佢地对你讲慨任何野都无特别反应,咁即系你喺佢地眼中非常平凡,同普通朋友无咩分别。