(男人不坏女人不爱) 以为佢想同我一齐,原来佢只爱学生妹

Hot2News     2017-05-16     检举

以为佢爱我,原来佢只爱玩学生妹

喺呢度成日见到有人话担心嫁唔出,又有人话自己婚后生活如何,我又想喺度分享吓自己慨故事

(男人不坏女人不爱) 以为佢想同我一齐,原来佢只爱学生妹

我好早就结婚了,中七毕业证书都未攞就已经嫁人了,原因好简单,未婚先孕

前夫大我好多,十一年有多,话说我系中五等放榜时做暑期工识佢的,当时慨我觉得佢好靓仔,好man同好叻,叻慨并唔系读书方面,而系生活上慨嘢,说白一点就系觉得佢见识多我好多,我唔知慨嘢佢知,我知慨嘢除咗英文外佢都知

佢系暑期工公司慨司机,而我只系一个小女工,好快就已经一齐咗,直到中六开学,同学仔问我做乜同个咁老慨人拍拖,我都会答因为呢个人比到安全感我,因为佢见识多过我

但原来呢啲安全感都只系我慨天真所幻想出嚟的

到我一日一日咁大,见识慨嘢越嚟越多,开始慢慢发现呢个男人并唔系我想像中咁好…原来我发现当初我认为佢所识慨好多嘢都只系人大了后便会学懂的common sense,或者系因为自细家教严,除咗学校同屋企外我冇机会出去见识呢个世界,所以一啲其实好平常的事我都会好似发现新大陆咁…

同埋我发现咗佢身上越来越多奇怪嘢,佢好钟意我著住校服同佢去街,如果有啲场合真系唔可以著校服,佢就好钟意我著一啲较成熟的贴身衫,仲未开窍慨我会理解为佢觉得我咁著好靓,当然开窍后我会理解为男人对学生妹慨情意结啦

(男人不坏女人不爱) 以为佢想同我一齐,原来佢只爱学生妹

另一样奇怪慨系佢成日都会失踪,完全揾唔到人嗰种,只有佢揾到我而我永远都揾佢唔到,未开窍时我理解为佢工作忙,开窍后我理解为偷跳

再奇怪慨系佢三更穷五更富,身为一个成年人,有正当职业,但偏偏佢有钱喺身慨时间比我呢个只系靠帮人补习赚取学费同零用慨学生妹更短,未开窍时我理解为生活迫人同埋同我拍拖应该用咗佢好多钱,开窍后我就知道原来男人每多一种“兴趣”就会用多啲钱的了

<因为新手唔识点分开嚟post,唯有不停咁update第一个post>

终于喺出现同失踪间交替,时间亦去到中七a level mock paper前夕,我发现唔可以再同呢个男人拖拉落去,正确嚟讲系佢又玩失踪,我揾佢唔到,咁谂谂吓就觉得应该唔可以再比佢揾到我了,我要上大学,我要去见多啲嘢,我唔想呢一世就同个咁慨人拖拉落去,好喇,就咁样我同佢断咗个几月联络,我亦喺失恋中考完mock

就喺我考完最后一科,一放学出门口佢竟然揸住架车等我,话接我去庆祝吓,当时天真慨我紧系喊住咁上车啦,感动到呢…一路喊一路觉得自己太衰了,佢明明就系唔想影响我考试情绪而唔出现,佢明明就好紧张我,佢明明就…

剧情嚟到呢度,就系咁,我同佢就第一次喺室外地方咩了,正确嚟讲系第一次冇做安全措施下咩了,有得第一次就会有之后慨好多次,而当时慨我只系一直心存侥幸,边有咁易中吖

(男人不坏女人不爱) 以为佢想同我一齐,原来佢只爱学生妹

好快又到正式考a level前夕,理所当然佢又失踪了,可能有咗上次经验,今次冇咁多胡思乱想,但心情唔多唔少都会有影响,考得唔好亦系意料中事

但今次唔同慨系,当我考完最后一科后,佢冇再出现了,直到a level后慨两个月

佢突然出现,就好似冇事发生过咁,如常约我lunch,食lunch时佢问我做乜唔食嘢,我话胃唔舒服,佢仲答我又唔早啲讲,我同你去睇医生

饭后佢揸住架5.5,因为佢话要看住架车,所以我自己去睇医生,睇完打比佢嚟接我

到我了,医生按完我个肚后问我经期有冇嚟,我答唔记得,跟住医生叫我去留小便,之后直到打比佢再上返架5.5中间慨时间我都只系识脑海一片空白咁喊…直到佢大喝一声“喊咩啫?有咗咪结婚啰”

嗰刻慨我,唔好问我点解,我听完后就觉得自己冇跟错人,系呢个男人了!

婚礼系摆酒,但中间好多嘢我都印象模糊,净系记得全部嘢都系我妈咪陪我整的,但好奇怪爸爸妈咪点解愁眉苦脸?系咪因为我未婚先孕令佢哋蒙羞?我唔理了!总之我快啲嫁啲三姑六婆就冇嘢好讲了!

听日就系摆酒慨日子,点解妈咪帮我上头时会喊?点解爸爸会眼湿湿?过埋听日就冇事了,我唔会再令你哋蒙羞…等等,咩事?做乜妈咪爸爸会跪喺我前面?咩仪式嚟的?乜唔系我跪佢哋多谢佢哋慨养育之恩咩?

妈咪:“阿妹,你唔好嫁好吗?妈咪爸爸求吓你,呢个男人信唔过,唔值得的,有bb好闲,当我哋自私,你落咗个bb,其他人点讲冇所谓,我净系想个女开开心心,你仲有好多嘢未见过未试过,呢个男人唔值得的”

爸爸:“我哋当你系宝,呢个男人当你系草,阿妹,你听爸爸话,唔好嫁,就算你要生个bb出嚟就当我多个孻仔,总之唔好嫁”

我:“爸爸妈咪,我知我大咗个肚已经令你哋好丑,就算点我都一定要嫁,嫁咗你哋就唔会被人讲闲话,我已经错咗个开头,之后系点我都唔会怨”

就系咁,我嫁咗了,嫁入门第一晚已经喊住训,喊系因为我听唔明老爷奶奶讲慨客家话…

(男人不坏女人不爱) 以为佢想同我一齐,原来佢只爱学生妹

 

中间慨嘢都唔驶点讲,tbb八点半师奶剧情节,老公失踪又出现,大住个肚一日补四个习,爸爸妈咪帮我打点一切,家用唔会有之余仲要问我攞返转头,由发狂到麻目,开始发现呢个男人真正慨一面…极度烂赌,极度烂滚,极度不负责任等等

再次拖拉,爆发点就系有一次佢失踪,我抱起个仔不停摇,直到我爸爸大大力打咗我一巴,我咁大个女第二次比爸爸打,嗰吓醒咗,为咩要搅到咁?因为自己硬颈,不听老人言所以搅到咁,害咗个仔了…原来我承受唔到…之后有好多次我都想用不同慨方法了结自己同个仔,因为我同个仔系家中慨耻辱

由我想了结,再谂方法逃避,呢个过程用咗好多年,唔知由几时开始,我变咗另一个佢…

失踪,出现,再失踪,由讨厌夜生活变成一个烂蒲精,由一个乖乖女变咗做一个为咗唔驶返屋企训而晚晚去ons慨人,太多太多,我净系知自己除咗酒精外冇嘢帮到我,更甚慨系…我学埋吸毒…

爸爸妈咪同所有屋企人,由心痛变做麻目,就如当初爸爸所讲,佢哋多咗个孻仔,但冇咗个女

可笑吗?我讨厌我呢个不负责任慨前夫,我讨厌呢个烂玩烂蒲烂赌慨前夫,我讨厌呢个成日失踪慨前夫…但…我竟然变咗做另一个佢…

沉沦咗好耐好耐,沉沦到已经觉得有一日如果我系吸毒后high死会系最好慨结果,直到四年前我遇上慨明灯

我同明灯相遇只系喺一个蒲后医肚时慨一刻,就系咁,人生有返少少色彩,点解突然间爸爸妈咪老咗咁多?点解突然间个仔大咗咁多?点解个个见我返屋企食饭时个样好似见鬼咁?

奇怪,明灯明明就系我最讨厌慨类型:细我五年或以上,太高太瘦,成个mk仔咁款,把口浪过油等等,总之就系我最憎嗰type啦…但点解同佢一齐时感觉好似踏实好多?

由最初所有人都以为我只系同个后生仔玩玩吓采阳补阴,到慢慢我已经脱离咗班毒友…由最初晚晚唔蒲唔安乐,到慢慢觉得留喺屋企先系最安乐…由最初完全唔想见到个仔,到慢慢所有拍拖节目都系三人行…由最初最讨厌做师奶,到慢慢觉得有得做师奶都系一种福份

所有嘢嚟得好唔合理但又似乎好乎合剧情发展,原来好多嘢就系咁,当你以为眼前慨已经系绝路,原来真系天无绝人之路

是你的总会来,原来当初我所遇到慨前夫同所有慨经历同沉沦,就系为咗明灯而铺路,因为经历过所以先知一切得来不易,因为经历过先知原来一头家系要双方面经营的

同明灯一齐了差不多四年,大家都仍在学习中磨合中,但可幸慨系,仔仔已经接受返我呢个妈咪,更可幸慨系仔仔爱明灯多过我,佢哋两个相处极好,而我家中所有人都好爱明灯,因为佢哋觉得明灯救返佢哋个女返嚟

到最后,我想多谢一直以来辛辛苦苦照顾我慨爸爸妈咪,多谢你哋一直慨不离不弃,因为你哋一直冇放弃我,所以先有今日可以拥有幸福慨我